പെപ്പർ ചിക്കൻ

പെപ്പർ ചിക്കൻ -
By: Vinu Nair

വേണ്ട സാധനങ്ങൾ --

...

ചിക്കൻ - മീഡിയം വലുപ്പത്തിലുള്ള പീസ്‌
സവാള - നീളത്തിൽ അരിഞ്ഞത്
പച്ച മുളക് - കീറിയത്
ചെറിയുള്ളി - ചതച്ചത്
ഇഞ്ചി വെളുത്തുള്ളി - പേസ്റ്റ്
തക്കാളി - ഒരെണ്ണം മതിയാകും
കുരുമുളക് - ക്രഷ് ചെയ്തത്
കറി വേപ്പില
ഗരം മസാല പൊടി
മല്ലിപ്പൊടി
മഞ്ഞപ്പൊടി
കശുവണ്ടി പേസ്റ്റ് - ഒരു കപ്പിൽ നിറയെ വെള്ളമെടുത്ത് കശുവണ്ടി അതിൽ അര മണിക്കൂർ കുതിർത്ത് ശേഷം നന്നായി വെണ്ണ പോലെ അരച്ചെടുത്തത്
കടുക്
എണ്ണ
ഉപ്പ്
നാരങ്ങാ നീര്

തയ്യാറാക്കുന്ന വിധം --

ഒരു കിലോ ചിക്കന് നാല് സ്പൂണ്‍ കുരുമുളക് പൊടി ,ഒരു ചെറുനാരങ്ങയുടെ നീര് അര സ്പൂണ്‍ മഞ്ഞപ്പൊടി, ഉപ്പ് എന്നിവ പീസുകളിൽ നന്നായി തേച്ചു പിടിപ്പിച്ചു ഒരു മണിക്കൂർ മരിനെറ്റ് ചെയ്യാൻ വയ്ക്കുക , ടൂത്ത് പിക് കൊണ്ട് പീസുകളിൽ ചെറിയ സുഷിരങ്ങൾ ഉണ്ടാക്കി കൊടുത്താൽ നാരങ്ങയുടെയും കുരുമുളകിന്റെയും രുചി നന്നായി ഉൾഭാഗങ്ങളിൽ ഇറങ്ങും .

ഇനി അടുപ്പത്ത് ഒരു പാൻ വച്ച് ചൂടാക്കി എന്നയുഴിച്ചു കടുക് പൊട്ടിച്ചു കറിവേപ്പിലയും ഇട്ട് ചെരിയുള്ളി സവാള ,പച്ച മുളക് ,ഇഞ്ചി വെളുത്തുള്ളി എന്നിവ നന്നായി വഴറ്റുക ,ലേശം ഉപ്പും മഞ്ഞളും ചേർത്ത് ഇളക്കുക , ഉള്ളി വാടി കഴിഞ്ഞു പൊടികൾ (കുരുമുളക് ,മല്ലി ,ഗരം മസാല) ചേർത്തു ഒന്ന് കൂടി വഴറ്റി അൽപം വെള്ളം ഉഴിച്ചു തിളപ്പിക്കുക ,കുരുമുളകിന്റെ അളവ് കൂടി നിൽക്കണം , ഇനി ചിക്കൻ പീസുകൾ ചേർക്കാം ചിക്കൻ പകുതി വേവാകുമ്പോൾ തക്കാളി ചേർക്കുക , വെള്ളമോ ഉപ്പോ വേണമെങ്കിൽ ചെക്ക് ചെയ്ത് ആവിശ്യാനുസരണം ചേർക്കുക , ചിക്കൻ നന്നായി വെന്ത് കറി കുറുകി വരുമ്പോൾ കശുവണ്ടി പേസ്റ്റ് ചേർക്കുക , ഒരു തിള തിളച്ചതിനു ശേഷം അടുപ്പിൽ നിന്നും വാങ്ങാം .