ബാച്ചിലേര്‍സ് സ്പെഷ്യല്‍ ഞണ്ട് കറി

ഒരു ബാച്ചിലേര്‍സ് സ്പെഷ്യല്‍ ഞണ്ട് കറി 
By : Sooraj Charummoodu‎
എല്ലാരും പറയുന്നപോലെ
"ഹോ ഇടിവെട്ട് കറി എന്നൊന്നും ഞാന്‍ പറയില്ല"

. പക്ഷെ ഇതൊരു സിമ്പിള്‍ ഞണ്ട് കറി ആണ്. ഒരു 20 മിനിറ്റ് മതി ഉണ്ടാക്കാന്‍. ശരിക്കും പറഞ്ഞാല്‍ ഇതു ബാച്ചിലേര്‍സ് ഞണ്ട് കറി ആണ്.
ചേരുവകള്‍ ഒന്നും പ്രത്യേകം പറയുന്നില്ല. എല്ലാംകൂടി ടൈപ്പ് ചെയ്യാന്‍ വയ്യാത്തത് കൊണ്ടാണ്. എന്‍റെ കൈക്ക് ഒരു ചെറിയ പരുക്ക് .വോളിബോള്‍ കളിച്ചു കൈ നശിച്ചു. ഒരു ചെറിയ പ്ലാസ്റ്റര്‍ ...അതുകൊണ്ട് ഉണ്ടാക്കുന്നതെങ്ങനെന്നു ശടപാടെ ശടപാടെന്നു പറയാം. നോം വേഗം അങ്ങട് പറയാം ..നിങ്ങള് അത് അങ്ങട് ഇണ്ടാക്ക് ...

കഴിഞ്ഞ ദിവസം സുപ്രീംകോടതിയില്‍ ഒരു കേസ്. മാനസികവും ശാരീരികവുമായ പീഡനം ആണ് കേസ്. കേസ് കൊടുത്തത്ഞണ്ടുകളുടെ സംസ്ഥാന പ്രസിഡന്റ്‌ ശ്രീമതി മറിയാമ്മ ഞണ്ട്ആണ്. അവരുടെ അനുനായികളെ കൂട്ടത്തോടെ ഒരുകൂട്ടം ബാച്ചിലേര്‍സ് തട്ടിക്കൊണ്ടു പോയി.

ജഡ്ജി പറഞ്ഞു “ മറിയാമ്മേ സംഭവം വിശദമായി പറയു
ശ്രീമതി മറിയാമ്മ ഞണ്ട് സാക്ഷിക്കൂട്ടില്‍ കയറി സംഭവം ചൂടോടെ വിളമ്പി.

സംഭവം ഇങ്ങനെ – ഞായറാഴ്ച സിനിമ കാണാന്‍ പോയ 6 മുഴുത്ത ഞണ്ടുകളെ ഒരു കൂട്ടം ആളുകള്‍ ,അതായതു 5 പേര്‍ ചേര്‍ന്ന് തട്ടിക്കൊണ്ടു പോയി. ഭാഗ്യംകൊണ്ടാണ് മറിയാമ്മ രക്ഷപെട്ടത്.തട്ടിക്കൊണ്ടു പോകപെട്ട 6 പേരും മറിയാമ്മയുടെ ആനുനായികള്‍. ഉത്തരവാദിത്തം ഉള്ളതുകൊണ്ട് തട്ടിക്കൊണ്ടു പോയവരുടെ പുറകെ മറിയാമ്മയും ഓടി.

ഒരു വലിയ മുറിക്കുള്ളില്‍ കയറിയ അവര്‍ ആ 6 ഞാണ്ടിനെയും കയ്യും കാലും ഓടിച്ചു വെള്ളത്തില്‍ മുക്കി കഴുകി ഒരു പാത്രത്തില്‍ വെച്ചു
ഈ ക്രൂര കൃത്യം കണ്ട മറിയാമ്മ ഞെട്ടി വിറച്ചു
പെട്ടന്ന് ഒരു ഭീകരന്‍ ഒരു ചീനിച്ചട്ടി എടുത്തു.( ചട്ടി ചൂടാക്കിയില്ല).അതില്‍ എണ്ണ ഒഴിച്ച്. അതിലേക്കു കഴുകി വെച്ച നമ്മുടെ ശ്രീമതി മറിയാമ്മയുടെ അനുനായികളെ ഇട്ടു. അതില്‍ ഒരു ടീ സ്പൂണ്‍ മഞ്ഞള്‍പൊടി, രണ്ടായി നടുവേ കീറിയ പച്ചമുളക്കറിവേപ്പില 5 എണ്ണം ,3നുള്ള് കറിവേപ്പില, 2 സവാള അരിഞ്ഞത്‌ ,അര മുറി തക്കാളിക്ക ചെറുതായി അരിഞ്ഞതും ഇട്ടു ഉപ്പും ചേര്‍ത്ത് ഇളക്കി വെള്ളമൊഴിച്ച് അടുപ്പില്‍ വെച്ചു ചൂടാക്കി .....
അത് തിളക്കും വരെ ആ ഭീകര മാവോയിസ്റ്റ്കള്‍ ചിരിച്ചും കളിച്ചും ഇരുന്നു. മറിയാമ്മ പൊട്ടി കരഞ്ഞു ജനലില്‍കൂടി തന്‍റെ അനുനയികളുടെ അവസ്ഥയോര്‍ത്തു വിതുമ്പി.

ഒരു15 മിനിറ്റ് കഴിഞ്ഞപ്പോ ആ ചീനിച്ചട്ടി അടുപ്പില്‍ നിന്നും ഇറക്കി. എന്നിട്ട് മറ്റൊരു ചീനിച്ചട്ടി വെച്ചു .അതില്‍ വെളിച്ചെണ്ണ ഒഴിച്ച്. പെരുംജീരകം ഇട്ടു പൊട്ടിച്ചു.എന്നിട്ട് അതിലേക്കു 2 സവാള അരിഞ്ഞത്‌ ഇട്ടു കറിവേപ്പില വെളുത്തുള്ളി ഇഞ്ചി ചതച്ചു അതില്‍ ഇട്ടു എന്നിട്ട് അതിലേക്കു ഗരം മസാല പൊടിച്ചതും ആവശ്യത്തിനു ഉപ്പും അല്പം പുളി വെള്ളം ചേര്‍ത്ത് ഇളക്കി 5 മിനിറ്റ് അടുപ്പില്‍ വെച്ചു . തിളച്ചപ്പോ അതിലേക്കു നേരത്തെ വേവിച്ചു വെച്ച അനുനായി ഞണ്ടുകളെ ഇട്ടു ഒന്നുടെ ചൂടാക്കി .എന്നിട്ട് അടുപ്പില്‍ നിന്നും എടുത്തു മാറ്റി .. ചൂട് മാറിയപ്പോ അവര്‍ അത് വെട്ടി വിളമ്പി കഴിച്ചു.
അപ്പൊ മറിയാമ്മ ഓര്‍ത്തു ഇത്രേ ഉള്ളു ഒരു ഞണ്ടിന്റെ ജീവിതം