By : Anjali Abhilash
ചോറുണ്ടാക്കാൻ
ബസുമതി / ബിരിയാണി അരി : 2 കപ്പ്
വഴന ഇല: 1
കറുവ പട്ട: 1 കഷ്ണം
ഏലയ്ക്ക: 3
ഗ്രാമ്പു: 3
ചൂട് വെള്ളം: 4 കപ്പ്
നെയ്യ് / സൺഫ്ലവർ ഓയിൽ : 2 ടേബിൾ സ്പൂൺ
സോസേജ് മസാല ഉണ്ടാക്കാൻ
ചിക്കൻ സോസേജ് : 1 പാക്കറ്റ്
സവാള: 3 വലുത്
തക്കാളി: 1 വലുത്
പച്ചമുളക് ചതച്ചത് : 3 എണ്ണം
ഇഞ്ചി ചതച്ചത് : 2 ടേബിൾ സ്പൂൺ
വെളുത്തുള്ളി ചതച്ചത് : 2 ടേബിൾ സ്പൂൺ
മുളക് പൊടി : 1/2 ടി സ്പൂൺ
മഞ്ഞൾ പൊടി: 1/4 ടി സ്പൂൺ
പെരുംജീരക പൊടി: 1/4 ടി സ്പൂൺ
ഗരം മസാല പൊടി : 1/4 ടി സ്പൂൺ
ചെറുനാരങ്ങ : 1
മല്ലിയില അരിഞ്ഞത് : 2 ടേബിൾ സ്പൂൺ
പുതിന ഇല അരിഞ്ഞത് : 2 ടേബിൾ സ്പൂൺ
സൺഫ്ലവർ ഓയിൽ : 2 ടേബിൾ സ്പൂൺ
ഉപ്പ്
സോസേജ് ആവശ്യത്തിന് വെള്ളം ഒഴിച്ച് നന്നായി തിളപ്പിക്കുക. ശേഷം വെള്ളത്തിൽ നിന്നും മാറ്റി അരിഞ്ഞു വെക്കുക
കുറച്ചു സവാള, അണ്ടിപ്പരിപ്പ്, ഉണക്ക മുന്തിരി എന്നിവ നെയ്യിൽ വഴറ്റി മാറ്റി വെക്കുക
അതേ നെയ്യിൽ വഴന ഇല, കറുവ പട്ട, ഏലയ്ക്ക, ഗ്രാമ്പു എന്നിവ ഇട്ട് വഴറ്റി കഴുകി ഊറ്റി എടുത്ത അരി ഇട്ട് നന്നായി വഴറ്റുക
ഇതിലേക്കു ചൂടുവെള്ളം ചേർത്ത് ആവശ്യത്തിനു ഉപ്പും ചെറുനാരങ്ങ നീരും ചേർത്ത് ചെറു തീയിൽ അടച്ചു വെച്ച് വേവിക്കുക.
ചുവടു കട്ടിയുള്ള പാത്രത്തിൽ എണ്ണ ഒഴിച് ചൂടാകുമ്പോൾ സവാള ഇട്ട് നന്നായി വഴറ്റുക.
ഇതിലേക്കു ചതച്ച പച്ചമുളക്, ഇഞ്ചി, വെളുത്തുള്ളി എന്നിവ ചേർത്ത് നന്നായി വഴറ്റുക
ശേഷം മുളക് പൊടി, മഞ്ഞൾ പൊടി, ഗരം മസാല പൊടി, പെരുംജീരകം പൊടി ചേർത്ത് നന്നായി മൂപ്പിക്കുക
തക്കാളി അരിഞ്ഞതും, സോസേജ് അരിഞ്ഞതും, മല്ലിയില,പുതിന ഇല (കുറച്ചു മല്ലി ഇല, പുതിന ഇല എന്നിവ അവസാനം ഇടാൻ ആയി മാറ്റിവെക്കണം ) എന്നിവ ചേർത്ത് ചെറുതീയിൽ കുറച്ചു നേരം അടച്ചു വെക്കുക...
ഉപ്പ് നോക്കി വേണമെങ്കിൽ ചേർക്കണം
വേവിച്ച ചോറിൽ പകുതി എടുത്തു മാറ്റി വെക്കുക. ബാക്കി ചോറിന്റെ മുകളിൽ സോസേജ് മസാല, കുറച്ചു വറുത്തു വെച്ച സവാള, അണ്ടിപരിപ്പ്, ഉണക്ക മുന്തിരി, മല്ലി ഇല, പുതിന ഇല എന്നിവ ഇടുക. ഇതിന്റെ മുകളിൽ മാറ്റി വെച്ച ചോറ് ഇട്ട് ബാക്കി ഉള്ള വറുത്ത സവാള , അണ്ടിപ്പരിപ്പ്, മുന്തിരി എല്ലാം ചേർത്ത് മൂടി വെച്ച് കുറച്ചു സമയം ചെറിയ തീയിൽ ദമ്മ് ചെയ്യുക
ചൂടോടെ സാലഡ്, അച്ചാർ എന്നിവക്കൊപ്പം സെർവ് ചെയ്യാം.
Post a Comment
Our Website is One of the Largest Site Dedicated for Cooking Recipes