കുടംപുളിയിട്ട ചെമ്മീൻ മുളക് കറി

കുടംപുളിയിട്ട ചെമ്മീൻ മുളക് കറി 
By : Sree Harish
ചോറിന്റെ കൂടെ പുരട്ടി കഴിക്കാൻ വളരെ ടേസ്റ്റിയായ കറിയാണ്.

ചെമ്മീൻ വൃത്തിയാക്കിയത് -1/ 2 kg 
കുഞ്ഞുള്ളിയരിഞ്ഞത്
പുളി നാല് കഷ്ണം കഴുകി വെള്ളത്തിൽ ഇട്ടു വെക്കുക.
പച്ചമുളക് അരിഞ്ഞത് -3
മുളകുപൊടി -2 ടേബിൾ സ്പൂൺ
മഞ്ഞൾപ്പൊടി -1/2 ടി സ്പൂൺ
ഉലുവപ്പൊടി -1/4 ടി സ്പൂൺ
ഇഞ്ചി വെളുത്തുള്ളി ചതച്ചത് -1 സ്പൂൺ
കറിവേപ്പില,വെളിച്ചെണ്ണ,ഉപ്പ്,വെള്ളം -ആവശ്യത്തിന്
ചട്ടിയിൽ എണ്ണ ചൂടാക്കി കടുക് പൊട്ടിച്ച ശേഷം കുഞ്ഞുള്ളിയും ഇഞ്ചിയും വെളുത്തുള്ളിയും പച്ചമുളകും മഞ്ഞൾപ്പൊടിയും ഉപ്പും ചേർത്ത് വഴറ്റുക ഇതിലേക്ക് തീയ് കുറച്ച ശേഷം മുളകുപൊടിയും ഉലുവപ്പൊടിയും ചേർക്കുക.ഇതിലേക്ക് വെള്ളത്തോട് കൂടി പുളി ചേർക്കുക.തിളച്ചശേഷം കൊഞ്ച് ചേർത്ത് ആവശ്യത്തിന് ഉപ്പുമിട്ട് വറ്റിച്ചെടുക്കാം.കറിവേപ്പില ചേർത്ത് വാങ്ങാം.ഗ്രേവി കുറുകിയിരിക്കുന്നതാണ് ടേസ്റ്റ്‌.