പോർക്ക്‌ ഉലർത്തിയത്

By:

Mabel Vivera 

പണ്ട് ഞങ്ങളുടെ തറവാട്ടിൽ പള്ളിപെരുന്നാളിനും ഈസ്റ്ററിനും ക്രിസ്തുമസ്സിനും ഉണ്ടാക്കുന്ന ഒരു സ്പെഷ്യൽ ആണ് പോർക്ക്‌ ഉലർത്തിയത് . അത് തലേദിവസ്സം ഉണ്ടാക്കി വെയ്ക്കും. ഇതിൽ പച്ച നേന്ത്രക്കായ ഇട്ടും ഉലർത്താം.

നാടൻ രീതിയിൽ പോർക്ക്‌ ഉലർത്തിയത് ഉണ്ടാക്കാൻ ആവശ്യം:
------------------------------------------------------------------
A. പോർക്ക്‌ - 1 കിലോ കഴുകി നുറുക്കി വെച്ചത്.
B. പോർക്ക്‌ പെരട്ടി വെച്ച് വേവിക്കാനുള്ള മസാല:
മല്ലിപ്പൊടി -1.5 tbsp
മുളകുപൊടി - 2 tbsp
ഇറച്ചി മസാല - 2tsp
കുരുമുളക് പൊടി - 1 tsp
(ഇവ നേരിയതായി ചട്ടിയിൽ ചൂടാക്കിയത്‌ )
പെരുംജീരകം, ഏലക്കാ, പട്ട, കറയാമ്പു - ഇവ വറുത്തു പൊടിച്ചത് - 1.5 tsp (or garam masala)
മഞ്ഞൾപൊടി - 1/4 tsp
വിനാഗിരി - 2-3 tbsp
കടുക് ചതച്ചത് - 1/4 tsp
ഇഞ്ചി വെളുത്തുള്ളി ചതച്ചത് - 2 സ്പൂണ്‍ വീതം
ഉപ്പു

ഉണ്ടാക്കിയ വിധം:
1. മുകളിൽ (B) പറഞ്ഞ ചേരുവകൾ പോർക്ക്‌ കഷ്ണങ്ങളിൽ അരമണിക്കൂറോളം പെരട്ടി വെച്ച് അധികം വെള്ളം ചേർക്കാതെ പ്രഷർ കുക്കറിൽ വേവിച്ചെടുക്കുക- 1 വിസിൽ മതിയാകും (ചട്ടിയിൽ ആണെങ്കിൽ ചെറുതീയിൽ 30 - 40 മിനിട്ട് വേവ്)
2. ഉലർത്താൻ ആവശ്യം:
സവാള- 2 നീളത്തിൽ അരിഞ്ഞത്, തേങ്ങാകൊത്തു, പച്ചമുളക്, കറിവേപ്പില.
ഇവ എണ്ണയിൽ നല്ലതുപോലെ വഴറ്റി മൂന്നാല് ഉണക്കകുരുമുളകും 2 സ്പൂണ്‍ പട്ട, കരയാംബൂ, ഏലക്കായ, തക്കോലം ഇവ പൊട്ടിച്ചതും ചേർക്കുക, ഇതിലേയ്ക്ക് വേവിച്ചു വെച്ച പോർക്ക്‌ ഇറച്ചി ചേർത്ത് ചാറു വറ്റിച്ചു വരട്ടി എടുക്കുക.

എരിവു ആവശ്യതിനനുസ്സരിച്ചു മാറ്റം വരുത്തി ഉപയോഗിക്കുക.