നെത്തോലി പീര

വിശന്നിരിക്കുമ്പോള്‍ ഒരു കൊടും ചതി ഇരിക്കട്ടെ :) 

By : Sherin Mathew

 പലതരം മീൻ പീരകൾ വെക്കുന്നതല്ലേ - ഇത് കൂടി ഒന്ന് കാച്ചി നോക്കൂ

 നെത്തോലി - 150 ഗ്രാം (3 പിടി) 

1/4 മുറി തേങ്ങ തിരുമ്മിയതിൽ 1/4 ടി സ്പൂണ്‍ മഞ്ഞള്പൊടി, 2 ടി സ്പൂണ്‍ മുളക്പൊടി, 8 കൊച്ചുള്ളി, ഒരു ചെറിയ മുറി ഇഞ്ചി, 4 വെളുത്തുള്ളി (ഞങ്ങൾ തിരോന്തോരംക്കാർക്ക് ഇഞ്ചി വെളുത്തുള്ളി ഒന്നും അങ്ങിനെ വേണ്ട) ഒരു നെല്ലിക്ക വലിപ്പത്തിൽ വാളൻപുളി (പിഴുപുളി) 1/4 ടി സ്പൂണ്‍ ഉലുവ മൂപ്പിച്ചത്. 1 തണ്ട് കറിവേപ്പില - ഇത്രയും ഒന്ന് ഒതുക്കി എടുത്ത് ചട്ടിയിൽ ഇത്തിരി എണ്ണ ഒഴിച്ച് കടുകും കൊച്ചുള്ളിയും കറിവേപ്പിലയും മൂപ്പിച്ചു അതിലേക്കു അരപ്പും മീനും ആവശ്യത്തിനു ഉപ്പും ചേർത്ത് അടുപ്പത്ത് വെക്കുക 

 വെള്ളം തീരെ കുറവ് മതി - മീനിൽ നിന്നും വെള്ളം ഇറങ്ങും - പിന്നെ നെത്തോലി അല്ലേ? പോരെങ്കിൽ കുടംപുളി വെന്തു ഇറങ്ങുവേം വേണ്ട. 

ചെറുതീയിൽ നല്ലോണം പറ്റിച്ചു തോർത്തി മൊരിച്ച് എടുക്കുക - സ്പൂണ്‍ ഇട്ടു ഇളക്കി മീൻ പൊടിച്ചു കളയാതെ ശ്രദ്ധിക്കണം - വെറുതെ ചട്ടി കൈയ്യിലെടുത്തു കുടഞ്ഞു യോജിപ്പിച്ചാൽ മതി 

 വളന്പുളിക്ക് പകരം മാങ്ങാ/ഇരുമ്പൻ പുളി (പുളിഞ്ചിക്ക) എന്നിവ ചേർക്കാം

 കടുക് പൊട്ടിച്ചു അരപ്പ് ചേര്ക്കുന്നതിന് പകരം അരപ്പും മീനും വെന്ത ശേഷം പച്ച വെളിച്ചെണ്ണയും ഉലുവ മൂപ്പിച്ചു പൊടിച്ചതും ചേർക്കാം 

 എന്തിട്ടില്ലേലും ഒരു തണ്ട് കറിവേപ്പില കൂടി ഇട്ടോണം