ജാതിക്ക അച്ചാര്‍

ജാതിക്ക അച്ചാര്‍

ജാതിക്കയുടെ പുറം തോടും ജാതി പത്രിയും ,അതിനുള്ളിലെ കായും എല്ലാം തന്നെ നമ്മള്‍ ഉപയോഗിച്ച് വരുന്നു ,ദഹന സംബന്ധമായ അസുഖങ്ങള്‍ക്കും ഉദര രോഗങ്ങള്‍ക്കും പണ്ട് മുതലേ ഉപയോഗിച്ച് വരുന്ന വളരെ ഗുണമുള്ള ഒന്നാണ് ജാതിക്ക .

ജാതിക്കയുടെ പുറം തോടുപയോഗിച്ചു അച്ചാര്‍ തയ്യാറാക്കുന്നത് എങ്ങനെ എന്ന് നോക്കാം ...

ചേരുവകള്‍

ജാതിക്ക -12
വെളുത്തുള്ളി -12 അല്ലി
മുളകുപ്പൊടി -4 ടേബിള്‍സ്പൂണ്‍
ഇഞ്ചി -1 ചെറിയ കഷണം
ഉലുവാപ്പൊടി -1 ടീസ്പൂണ്‍
കായപ്പൊടി -അര ടീസ്പൂണ്‍
വിനാഗിരി -2 ടീസ്പൂണ്‍
കറിവേപ്പില -2 കതിര്‍പ്പ്
കടുക് -അര ടീസ്പൂണ്‍
ഉപ്പ് -പാകത്തിന്
എണ്ണ -2 ടേബിള്‍സ്പൂണ്‍
പഞ്ചസാര -1 ടേബിള്‍സ്പൂണ്‍

പാകം ചെയ്യുന്ന വിധം

കഴുകിയ ജാതിക്ക ചെറുതായി അരിയുക.ഇതില്‍ ഉപ്പ് പുരട്ടി ഒന്നര മണിക്കൂര്‍ വെയ്ക്കണം.
ചീനച്ചട്ടിയില്‍എണ്ണ ചൂടാകുമ്പോള്‍ അരിഞ്ഞ ഇഞ്ചിയും വെളുത്തുള്ളിയും ഇട്ടു മൂപ്പിക്കുക.മുളകുപൊടി,കായപ്പൊടി,ഉലുവാപ്പൊടി ഇവ പ്രത്യേകം മൂപ്പിച്ചു അരച്ചു വെയ്ക്കുക.
കടുകിട്ട് പൊട്ടുമ്പോള്‍ കറിവേപ്പിലയും ,വിനാഗിരിയും ഉപ്പും ഇഞ്ചിയും വെളുത്തുള്ളിയും പഞ്ചസാരയും അല്പം വെള്ളവും ചേര്‍ത്ത് ചെറുതായി ചൂടാക്കുക.അതില്‍ ജാതിക്കയുടെ തോട് ഇട്ട് പാകമാകുമ്പോള്‍ അരച്ച ചേരുവകളും ചേര്‍ത്ത് ഒന്ന് കൂടി ചൂടാക്കി വാങ്ങി വെയ്ക്കുക .
സ്വാദിഷ്ടമായതും ഗുണമുള്ളതുമായ ജാതിക്ക അച്ചാര്‍ തയ്യാര്‍ .