പൂരിയും കിഴങ്ങ് ഭാജിയും

പൂരിയും കിഴങ്ങ് ഭാജിയും 

By: Sherin Mathew

3 കപ്പ്‌ ഗോതമ്പ് മാവ് (ആട്ട) + 1 ടേബിൾ സ്പൂണ്‍ നെയ്യ് + ഉപ്പു + വെള്ളം 

 നന്നായി കുഴച്ചു ഉരുട്ടി വെക്കുക. തൊട്ടാൽ വെണ്ണപോലെ ഇരിക്കണം

ഇനി ചെറിയ ഉരുളകൾ ഉരുട്ടി പരത്തി എണ്ണയിൽ വറുത്തു കോരാം.

മൈദയോ, സോഡായോ, റവയോ ഒന്നും ചേർത്തിട്ടില്ല - അതിന്റെ ആവശ്യവും ഇല്ല - നല്ല ചൂടുള്ള എണ്ണയിൽ തന്നെ വറുക്കാൻ ഇടുക - ഒരു വശം കുമിളക്കുമ്പോൾ കരിയാതെ തിരിച്ചിട്ടു വറുക്കുക - തീ ക്രമീകരിക്കുക. 

മാവിൽ മുക്കി പരത്തുന്നതിനു പകരം ഉരുളകൾ എണ്ണ പുരട്ടി വെച്ച് പരത്തി നോക്കൂ - പൂരി വറുക്കുമ്പോൾ എണ്ണയിൽ പൊടി കലർന്ന് കരിഞ്ഞു പൂരികൾ കറുത്ത് വൃത്തികെടില്ല 

2 വലിയ കിഴങ്ങ് പ്രെഷർ കുക്കെരിൽ വേവിച്ചു ഉടച്ച് തയ്യാറാക്കി വെക്കുക.

ഒരു പാനിൽ എണ്ണ ഒഴിച്ച് കടുക് പൊട്ടിച്ച് ഉഴുന്ന്, പൊട്ടുകടല, വറ്റൽ മുളക്, കറിവേപ്പില എന്നിവ മൂപ്പിച്ചു (ഇതൊന്നും എന്റെ ഫോട്ടോയിൽ ഇല്ല - ഓഫീസിന്നു ഡയറക്റ്റ് ലാന്റിംഗ് ആരുന്നു അടുക്കളയിലേക്കു - നല്ല ഉൽസാഹമാരുന്നു എന്ന് പ്രത്യേകം പറയേണ്ടല്ലോ)

ഒരു സവാള നുറുക്കിയതും ഒരു കുഞ്ഞു കഷണം ഇഞ്ചിയും 2-3 വെളുത്തുള്ളി നുറുക്കിയതും 2 പച്ചമുളക് വട്ടം അരിഞ്ഞതും ചേർത്ത് മൂക്കുമ്പോൾ 1/4 ടി സ്പൂണ്‍ മഞ്ഞൾപൊടിയും, അല്പം വെള്ളവും ചേര്ക്കുക. 

ഇതിലേക്ക് ഉടച്ചു വെച്ചിരിക്കുന്ന കിഴങ്ങ് ചേർത്ത് ഇളക്കി ചേര്ക്കുക. ഉപ്പു നോക്കി ആവശ്യത്തിനു കുറുകിയ പരുവത്തിൽ അടുപ്പിൽ നിന്നും ഇറക്കി മല്ലിയില തൂവുക.

Enjoy!!!