കള്ളപ്പം

കള്ളപ്പം
By : Rima Kannan Padoor‎
കുറെ നാളായി കള്ളപ്പംഎന്ന കൊതി മനസ്സിൽ കൊണ്ട് നടക്കുന്നു...ഒരു മാസമായി തെങ്ങു ചെത്തുന്ന മാമന്റെ പിന്നാലെ നടക്കുന്നു...കള്ള് കിട്ടാനില്ല...ഇന്നലെ ഇത്തിരി കിട്ടി...ഇന്നലെ കലക്കി വച്ച് ഇന്ന് ഉണ്ടാക്കി.. 1/2 ഗ്ലാസ്‌ നല്ല ശുദ്ധമായ കള്ള്.. (കള്ള് കിട്ടാത്തവർ 1/2 glass ഇളം ചൂടാക്കിയ തേങ്ങാവെള്ളത്തിൽ 1/2 സ്പൂൺ യീസ്റ്റും 1 ടീസ്പൂൺ പഞ്ചസാരയും 1 മണിക്കൂർ കലക്കി വെയ്ക്കുക).2 ഗ്ലാസ്‌ അരിപൊടി..1 ഗ്ലാസ്‌ ഷുഗർ..3 ഏലക്കായ , ഒരു നുള്ള് ഉപ്പ്, അര മുറി തേങ്ങ, ഒരു നുള്ള് നല്ല ജീരകം, ഒരു ടേബിൾ സ്പൂൺ ചോറ്. ഇത്രയും മതി : കളളും അരിപ്പൊടിയും ഒഴികെയുള്ള ചേരുവകൾ മിക്സിയിൽ ഒരു വിധം നന്നായി അരയ്ക്കുക.. അതും കള്ളും അരിപ്പൊടിയും ഇഡ്ഢലി മാവ് പരുവത്തിൽ യോജിപ്പിച്ച് 6 - 8 മണിക്കൂർ അടച്ചു വെയ്ക്കുക .. ശേഷം കിണ്ണത്തിൽ ഇത്തിരി വെളിച്ചെണ്ണ തടവി മാവൊഴിച്ച് 10 മിനിട്ട് ആവിയിൽ പുഴുങ്ങിയെടുക്കുക... (പഞ്ചസാര നമ്മുടെ ഇഷ്ടത്തിന് എടുക്കാം.. ശർക്കരയും ഉപയോഗിക്കാം ആവശ്യത്തിന് എടുത്ത് ഉരുക്കി കരടില്ലാതെ ചൂടാറിയ ശേഷം ഒഴിക്കണം)