വെജിറ്റബിൾ കറി

വെജിറ്റബിൾ കറി .
By : Sree Harish

ആവശ്യമുള്ള സാധനങ്ങൾ
**********************************
ചീര അരിഞ്ഞത് - 2 കപ്പ്‌ 
വെള്ള കടല കുതിർത്തു വേവിച്ചത് 1 കപ്പ്‌ - (കാനിൽ കിട്ടുന്ന കടല കുതിർക്കേണ്ട )
മസൂർ ദാൽ വേവിച്ചത് - 1/2 കപ്പ്‌ ( ഇല്ലെങ്കിൽ പയർ പരിപ്പ് )
ഉരുള ക്കിഴങ്ങ് -1
കോവക്ക-8
കാരറ്റ്‌ -1
കുമ്പളങ്ങ കഷ്ണങ്ങൾ ആക്കിയത്
സവാള -1
ഇഞ്ചി,വെളുത്തുള്ളി അരിഞ്ഞത്- 1 Tb സ്പൂണ്‍
തക്കാളി -2 ഇടത്തരം
ജീരകം -1 പിഞ്ച്
മഞ്ഞൾപ്പൊടി -അല്പ്പം
മുളകുപൊടി -1 Tbspoon
മല്ലിപ്പൊടി -1 Tbspoon
പെരുംജീരകം പൊടിച്ചത് - 1/ 2 Tspoon
ഗരം മസാല - ഒരു പിഞ്ച് (optional )
മല്ലിയില
എണ്ണ
ഉപ്പ്
തയ്യാറാക്കുന്ന വിധം.
******************************
ഉള്ളി, തക്കാളി, ഇഞ്ചി,പച്ചമുളക് ,വെളുത്തുള്ളി ഏവ ഒഴികെ ബാക്കി പച്ചക്കറികൾ ഉപ്പും മഞ്ഞളും ചേർത്ത് ആവശ്യത്തിനു വെള്ളം ഒഴിച്ച് വേവിക്കുക്ക.
പാനിൽ അല്പ്പം എണ്ണ ഒഴിച്ചു ചൂടാകുമ്പോൾ ജീരകം ഇടുക കരിയാതെ നോക്കണം . പെട്ടെന്നു തന്നെ അതിലേക്കു ചെറുതായി അറിഞ്ഞു വെച്ചിരിക്കുന്ന സവാള ചേര്ക്കണം ഒന്ന് വഴണ്ട് കഴിഞ്ഞു. ( ബ്രൌണ്‍ നിറം ആകണമെന്നില്ല) ഇഞ്ചി,വെളുത്തുള്ളി പച്ചമുളക് എന്നിവ ചേർത്തിളക്കുക.ഇതിലേക്ക് ചെറുതായി അരിഞ്ഞ തക്കാളി ചേര്ക്കാം . തക്കാളി നന്നായി വെന്തു ചേരുമ്പോൾ മുളകുപൊടി, മല്ലിപ്പൊടി,പെരുംജീരകം പൊടി എന്നിവ ചേർക്കാം നന്നായി മിക്സ്‌ ചെയ്തിട്ട് ഇതിലേക്ക് നമുക്ക് വേവിച്ചു വെച്ചിരിക്കുന്ന പച്ചക്കറികളും കടലയും ചേര്ക്കാം.പച്ചക്കറികളും കടലയും,ഉള്ളി തക്കാളി കൂട്ടും നന്നായി യോജിപ്പിച്ചതിലേക്കു ചീര ചേർത്ത് 1 മിനിറ്റ് കുക്ക് ചെയ്യാം. ഇതിലേക്ക് നമുക്ക് വേവിച്ചു വെച്ചിരിക്കുന്ന പരിപ്പും ചേർത്ത് മല്ലിയില്ല തൂവി എടുക്കാം.
രുചികരവും പോഷക സമ്പുഷ്ട്ടവുമായ വെജ് കറി റെഡി. ചപ്പാത്തിയുടെ കൂടെയോ വൈറ്റ് റൈസ്ൻറെ കൂടെയോ സെർവ് ചെയ്യാം. നന്ദി സുഹൃത്തുക്കളെ !.