SHARKKARA VARATTI ശർക്കര വരട്ടി

SHARKKARA VARATTI
ശർക്കര വരട്ടി
By : Indulekha S Nair
ഉപ്പേരികളിൽ ഏറ്റവും രാജകീയ പദവി ശർക്കര വരട്ടി തന്നെ ...അതിലെ ജീരകവും ചുക്കും ഏലയ്ക്കയും ശർക്കരയും ചേർന്നുള്ള ആ സ്വാദു ഗംഭീരം .....ഏറ്റവും ശ്രദ്ധിച്ചു ഉണ്ടാക്കേണ്ട ഉപ്പേരി ആണ് ....
കായ ...2
ശർക്കര ഒരു ചെറിയ കഷ്ണം 
ജീരകം പൊടിച്ചത് ഒരു സ്പൂൺ
ചുക്ക് പൊടിച്ചത് ഒരു സ്പൂൺ
ഏലയ്ക്ക 3 പൊടിച്ചത്
കായ രണ്ടായി കീറി വെളിച്ചെണ്ണയിൽ വറുത്തെടുക്കുക(ഉപ്പും മഞ്ഞൾ പൊടിയും ചേർക്കണം )
ഉരുളിയിൽ ശർക്കര ഇട്ടു ഒരു സ്പൂൺ വെള്ളം ഒഴിക്കുക..വെള്ളം അധികമായാൽ എല്ലാം താറുമാറാകും .....നന്നായി ഉരുകി നൂൽ പരുവം ആകുമ്പോൾ ജീരകം ചുക്ക് ഏലയ്ക്ക പൊടിച്ചത് ചേർത്ത് ഇളക്കുക ..ഒരു സ്പൂൺ പഞ്ചസാര കൂടി ഇട്ടു ഇളക്കി(ഒട്ടിപ്പിടിക്കാത്ത ഇരിക്കാൻ ) അതിലേയ്ക്ക് വറുത്തു വച്ചിരിക്കുന്ന കായ നന്നായി ആറിയ ശേഷം ഇടുക ...ഇളക്കി ഇളക്കി നല്ല ഡ്രൈ ആവുമ്പോൾ നമ്മുടെ ശർക്കര വരട്ടി റെഡി