By : Ayisha Basheer
പുട്ട്‌:
ഞാൻ പുഴുങ്ങലരി പൊടിച്ചാണു പുട്ടുണ്ടാക്കാറുള്ളത്‌. രാത്രി അരി വെള്ളത്തിലിട്ട്‌ രാവിലെ അരിപ്പയിലിട്ട്‌ വെള്ളം വാർത്ത്‌ പൊടിക്കാറാണു പതിവ്‌. ഏത്‌ പുഴുങ്ങലരിയും പുട്ടിനു പറ്റും. നല്ല സോഫ്റ്റായിരിക്കും. രുചിയും കേമൻ..!
കടലക്കറി:
ഒരു കപ്പ്‌ കടല രാത്രി വെള്ളത്തിൽ കുതിർത്ത്‌ വയ്ക്കുക. രാവിലെ കഴുകി കുക്കറിൽ ഇട്ട്‌ താഴെ ചേരുവകൾ ചേർത്ത്‌ വേവിക്കുക.
* സവാള വലുത്‌ ഒരെണ്ണം അരിഞ്ഞത്‌
* പച്ച മുളക്‌ മൂന്നോ നാലോ നീളത്തിൽ അരിഞ്ഞത്‌
* ഇഞ്ചി വെളുത്തുള്ളി ചതച്ചത്‌ അൽപം
* തക്കാളി ചെറുത്‌ ഒന്ന് കഷ്ണങ്ങളാക്കിയത്‌
* മല്ലിപ്പൊടി 2 ടേബിൾ സ്പൂൺ
* മുളക്‌ പൊടി 1 ടേബിൾ സ്പൂൺ
* മഞ്ഞൾപ്പൊടി ഒരു നുള്ള്‌
* മീറ്റ്‌ മസാല 1 ടേബിൾ സ്പൂൺ (optional)
* ഉപ്പ്‌ ആവശ്യത്തിനു.
എല്ലാം കൂടി നന്നായി കുഴച്ച്‌ വെള്ളമൊഴിച്ച്‌ വേവിക്കുക.
ശേഷം നല്ല കട്ടി തേങ്ങാപ്പാൽ ഒഴിച്ച്‌ തിളച്ചാൽ കടുക്‌, കറിവേപ്പില, ഉണക്കമുളക്‌ എന്നിവ ചേർത്ത്‌ വറവിടുക.
സാലഡ്‌:
കക്കിരി, പച്ച ആപ്പിൾ, ക്യാരറ്റ്‌, ക്യാപ്സിക്കം, എല്ലാം കൂടെ ചെറുതായി മുറിച്ച്‌ കുരുമുളക്‌ പൊടി അല്ലെങ്കിൽ ചെറു നാരങ്ങ നീർ ചേർത്ത്‌ മിക്സ്‌ ചെയ്ത്‌ ഉണ്ടാക്കാം. അല്ലെങ്കിൽ സാലാഡ്‌ ഡ്രസ്സിംഗ്‌ ചേർക്കാം. ഞാനിവിടെ 1000സാലാഡ്‌ ഡ്രസ്സിംഗ്‌ ആണു ഉപയോഗിക്കാറുള്ളത്‌.
إرسال تعليق
Our Website is One of the Largest Site Dedicated for Cooking Recipes