Fried rice & Chilli Gopi

BY: Lekshmi R Vikas

പിന്നേ non-veg മാത്രം ഇഷ്ടപ്പെടുന്നവര്‍ എന്നെ ഒന്നും പറയല്ലേ പ്ലീീസ്.... ഇന്ന് ഈസ്റ്ററല്ലേ. കാരുണികനായ കര്‍ത്താവിന്‍റെ ഉയിര്‍പ്പുദിവസം പാവം ജീവികളെയൊന്നും കൊന്നു കഴിക്കേണ്ടാന്നു കരുതി, അതോണ്ടാട്ടോ.

പച്ചക്കറികള്‍ കഴിക്കാന്‍ മടിക്കുന്ന പിള്ളേര്‍ക്കും മാംസം കഴിക്കാന്‍ പറ്റാത്ത മുതിര്‍ന്നവര്‍ക്കും ഇതു നല്ലതാണ്. ഓ സോറി, ഡിഷ് എന്താണെന്നു പറഞ്ഞില്ല അല്ലേ?
Veg, egg,fruits & dry fruits friedrice (അല്പം നീണ്ടുപോയി അല്ലേ? എങ്കില്‍ mixed friedrice wthout meat എന്നും പറയാം) കൂടെ ഒരു ചില്ലി ഗോപിയും.

Fried rice
-----------------
*കഴുകി വൃത്തിയാക്കി അരമണിക്കൂര്‍ കുതിര്‍ത്തു വച്ച ബസ്മതി അരി ഉപ്പിട്ടു തിളപ്പിച്ച വെള്ളത്തിലിട്ട് മുക്കാല്‍ വേവില്‍ വാര്‍ക്കുക.
*ഇഷ്ടമുള്ള പച്ചറികളും ഫ്രൂട്ട്സും ചെറുതായി അരിഞ്ഞെടുക്കണം. (ക്യാരറ്റ്, സവാള, കാബേജ്, ബീന്‍സ്, പയര്‍, കാപ്സിക്കം, ചീര, മുരിങ്ങയില, പൈനാപ്പിള്‍, പച്ചമുന്തിരി, കാഷ്യൂ, കിസ്മിസ് etc)
*അല്പം എണ്ണയൊഴിച്ച് ചെറുതായരിഞ്ഞ പച്ചക്കറികള്‍ വഴറ്റുക. (oil ഉപയോഗിക്കാന്‍ പറ്റാത്തവര്‍ വളരെക്കുറച്ചു വെള്ളം ചേര്‍ത്ത് ഒന്നു വാട്ടിയെടുത്താല്‍ മതി. അധികം വെന്തുപോകരുത്. ഇതിലേക്ക് ഡാര്‍ക്ക് സോയസോസ്, ടൊമാറ്റോസോസ് എന്നിവ 2 tspn ചേര്‍ക്കുക. ഇതു മാറ്റിവച്ച് 3-4 മുട്ട പൊട്ടിച്ചൊഴിച്ച് ചിക്കിയെടുക്കുക.
*ഇതിലേക്ക് വഴറ്റിയ വെജീസും മറ്റു ഫ്രൂട്ട്സും ഒക്കെയിട്ട് യോജിപ്പിച്ച ശേഷം വേവിച്ച അരിയും ചേര്‍ത്ത് ഡ്രൈ ഫ്രൈ ആക്കിയെടുക്കുക.
*മല്ലിയില താല്പര്യമുള്ളവര്‍ക്കു ചേര്‍ക്കാം.

Chilli Gopi
-----------------
*കോളിഫ്ലവര്‍ ഇതളായി അടര്‍ത്തി ഉപ്പും മഞ്ഞള്‍പൊടിയും കലക്കിയ വെള്ളത്തില്‍ അരമണിക്കൂറെങ്കിലും ഇട്ടുവച്ചശേഷം കഴുകിയെടുക്കുക.
*ഒരു ബൗളില്‍ അല്പം മുളകുപൊടി, ഉപ്പ്, വെളുത്തുള്ളി ഇഞ്ചി അരച്ചത്, അല്പം കോണ്‍ഫ്ലോര്‍ 2-3 tablespn അരിപ്പൊടി ഇവ mix ചെയ്തു ചെറിയ അയവില്‍ കലക്കി വയ്ക്കുക. ഇതിലേക്കു ഗോപി ഇതളുകളിട്ട് നന്നായി യോജിപ്പിച്ച് 20-30 മിനിറ്റ് വെക്കുക.
*സണ്‍ഫ്ലവര്‍ ഓയിലില്‍ ഇതു deep fry ചെയ്തു കോരിവയ്ക്കുക.
*വറുക്കാനെടുത്ത എണ്ണയില്‍ കുറച്ചെടുത്ത് ഇഞ്ചി വെളുത്തുള്ളി പേസ്റ്റ് ചേര്‍ത്ത് പച്ചമണം മാറുന്നവരെ വഴറ്റണം.
*ഇതിലേക്ക് സവാള ചതുരക്കഷ്ണങ്ങളാക്കിയത്, പച്ചമുളക് നീളത്തില്‍ കീറിയിട്ടത് ഇവ ചേര്‍ത്ത് വഴറ്റുക. ഒരുപാടാകരുത്. ശേഷം കാപ്സിക്കം tricolor, ചേര്‍ക്കുക.
* 3 tspn dark soy sauce, 3 tspn tomato sauce, 2 tspn red chilli sauce എന്നിവ വളരെക്കുറച്ചു വെള്ളത്തില്‍ കലക്കി ഒഴിക്കുക.
*ഇതിലേക്കു വറുത്തുവച്ചിരിക്കുന്ന കോളിഫ്ലവര്‍ പീസസും ഇട്ട് ഉപ്പു വേണമെങ്കില്‍ ചേര്‍ത്തു വാങ്ങാം.
ചൂടോടെ തന്നെ കഴിക്കാം.
ഇതില്‍ ശ്രദ്ധിക്കേണ്ടത്,
*സോസുകളിലെല്ലാം ഉപ്പുള്ളതിനാല്‍ വേണമെന്നുണ്ടെങ്കില്‍ ചേര്‍ത്താല്‍ മതി.
*പിന്നെ ഇതൊക്കെ അതാതു സമയത്തേക്ക് ഉണ്ടാക്കിക്കഴിക്കണം. സോസ് ചേര്‍ത്തത്കൊണ്ട് ഒരുപാടു നേരം ഇരിക്കുമ്പോള്‍ ടേസ്റ്റ് മാറും.
*fried rice നൊപ്പം കഴിക്കുന്നതിനു chilli gopi അധികം gravy വേണ്ട. കൂടുതല്‍ gravy വേണമെങ്കില്‍ ചെറുതായരിഞ്ഞ സവാള, കുറച്ചു തക്കാളി ഇവ മുളകുപൊടി ഉപ്പ് ചേര്‍ത്ത് നന്നായി വഴറ്റി mixyil അരച്ചെടുത്ത് കറിയില്‍ ചേര്‍ക്കാവുന്നതാണ്.